زجل
مظاليم
يا خلق داخل المحاكم وجوة القفص فيه ناس كتير مظاليم
أحكام كتير تتراكم ونفوس بقت مكسورة بتعاني سوء الضيم
ما يكفي شجن جواكم أو دموع بتسيل من حزن قلب سليم
دايرة تدور وعساكم تدوقوا نار الظلم بعدل رب حكيم
شايف أسد محبوس في إيديه قيود وضهره بقي مقسوم
مكلوم في وسط نفوس ساكت وعاجز يصرخ يقول مظلوم
لو فيه قلوب بتروس لصرخت معاه بدل أنين مكتوم
وقاضي ظالم بيدوس من غير ضمير يحكم بلا مختوم
حراس بغال واقفين بيجلدوا في سبع ويدهسوا قلبه
وذئاب علي الصفين بينهشوا فيه وقلموا له مخالبه
عيني علي الشاهدين شايفين عذابه والحق كان ذنبه
وحيد بلا ناصرين ولا سامع زئير ولا شبل كان جنبه. وعجبي
بقلم شريف شحاته مصر
Post a Comment